देशमा राज्य पुनर्सरचना पछि बनेको अधिकार सम्पन्न बलियो स्थानीय तहको पहिलो पटक भएको निर्वाचनमा सूर्यविनायक नगरपालिकामा नेकपा एमालेको तर्फबाट बासुदेव थापा निर्वाचीत हुनुभयो ।
पहिलो पटक निर्वाचीत हुनु भएपछि नगर प्रमुख थापाको नेतृत्वमा पहिलो कार्यकालमा सूर्यविनायक नगरपालिकामा बलियो जग बसाल्ने कार्य भयो ।
विशेष गरि निर्वाचीत भएपछि सबैको साझा ब्यक्तीत्वको रुपमा आफ्ना काम कारवाहीलाई अगाड बढाउनु भएको मेयर थापाले पहिलो कार्यकालको पाँच वर्षमा भौतीक पूर्वाधारमा ठूलो फड्कै मार्न सफल हुनुभयो ।
दोस्रो पटक २०७९ सालमा भएको निर्वाचनमा पनि मेयर थापाले पहिलो कार्यकालमा गर्नु भएको राम्रा कामकै कारण सबैको रोजाईमा पर्नुभयो र पुनः विजयी हुनुभयो । दोस्रो कार्यकालमा निर्वाचीत भएपछि यसअघिका अधुरा योजना पूरा गर्दै नमूना र उदाहरणीय कार्य गर्दै अगाडि बढिरहनु भएको छ ।
शिक्षा क्षेत्रमा पहिलो पटक सामुदायिक विद्यालयका प्रधानाध्यापक खुल्ला प्रतिस्पर्धाबाट नियुक्त गरि सबैलाई पाठ सिकाउनु भयो । नगरपालिकाले शूरु गरेको सो कार्यको देशका सबै स्थानीय तहमा लागू भयो ।
नगर प्रमुख थापा उपत्यका मेयर्स फोरमको उपाध्यक्ष पनि हुनुहन्छ । फोरमबाट समेत संस्थागत निर्णय भएपछि नेपाल सरकारले नै नीति तथा कार्यक्रममा नै समावेश गरेर देशैभर खुल्ला प्रतिस्पर्धाबाट प्रअ नियुक्त गर्ने कार्यको थालनी गरियो ।
नगर प्रमुख थापा दोस्रो कार्यकालमा निर्वाचीत हुनु भएको २ वर्ष ७ महिना भएको छ । यस अवधिमा नगर प्रमुख थापाको नेतृत्वमा थुप्रै काम भएका छन् । नगर प्रमुख थापाले पछिल्लो समय शिक्षा, स्वास्थ्य र खानेपानीलाई प्राथमिकतामा राखेर अगाडि बढिरहनु भएको छ।
आधारभूत स्वास्थ्य सेवामा नागरिकको सहज र सुलभ पहुँचको लागि बिशेषज्ञ सुविधा सहितको नगर अस्पतालको सेवा शूरुवात गरिएको छ । नगर अस्पतालमा अपरेशन थ्रिएटर संचालनको लागि आवश्यक पूर्वाधार र सर्जीकल सामाग्रीको ब्यवस्थापन भइसकेकाले छिट्टै अपरेशन सेवा शूरु गर्न लागिएको नगर प्रमुख थापाले बताउनुभयो ।
नगरपालिकाले वडा नंं १ देखि ६ सम्मका वडाबासीलाई मेलम्चीको खानेपानी वितरण गर्नका लागि बृहत्त खानेपानी आयोजना अगाडि बढाइरहेको छ । हाल सो आयोजना अन्तिम चरणमा पुगेको छ । आगामी माघ १५ भित्र मेलम्चीको खानेपानी वितरण गर्ने कार्य अगाडि बढाइरहेको नगर प्रमुख थापाले बताउनुभयो ।
त्यस्तै, नगरपालिकाको भवन निर्माण पनि अन्तिम चरणमा पुगेको र माघदेखि आफ्नै भवनबाट कार्यालय संचालनको तयारी भइरहेको छ । ‘दिगो विकास, ब्यवस्थित सहर, स्वच्छ समृद्ध सूर्यविनायक नगर’ भन्ने नगरको दिर्घकालीन सोच हासिल गर्न नगरपालिक अगाडि बढिरहेको छ ।
नगर प्रमुख थापाले नगरपालिकामा नेतृत्व गर्नु भएको सात वर्ष पूरा भइसकेको छ । थापाको नेतृत्वमा अहिलेसम्म नगर सभाको सत्रौ अधिवेशन सम्पन्न भएको छ । यो अवधिसम्म आइपुग्दा अहिलेसम्मका सबै अधिवेशनदेखि हरेक निर्णयहरु सर्वसम्मत रुपमा पारित हुँदै आएको छ ।
नगर प्रमुख थापा एमालेबाट निर्वाचित भएर आएपनि जनप्रतिनिधिका रूपमा काम गर्दै नगरबासीको साझा नेतृत्व गरिरहनु भएको छ । ‘राजनीतिमा प्रतिस्पर्धा, विकास निर्माणमा ऐक्यबद्र्धता’ भन्ने नारालाई आत्मसाथ गर्दै निस्पक्ष ढंगले निर्णय गर्दै आउनु भएको मेयर थापा सिंगो जनप्रतिनिधि एकढिक्का भई अगाडि बढेकै नगरपालिकालाई सफलतापूर्वक हाँक्न सफल हुनु भएको हो ।
